അന്ത്യാഭിലാഷം

തൂക്കിക്കൊല്ലുന്നതിന് മുന്‍പ് കുറ്റവാളിയോട്- അവസാനമായി എന്തെങ്കിലും ആ‍ഗ്രഹമുണ്ടോ?
കുറ്റവാളി- എന്താഗ്രഹവും സാധിച്ച് തരുമോ?
ആരാച്ചാര്‍-ചെറിയ ആഗ്രഹമാണെങ്കില്‍ തരും.
കുറ്റവാളി-എങ്കിലെനിക്കൊരു മാംബഴം തിന്നണം.
ആരാച്ചാര്‍- അതിന് ഇപ്പോള്‍ മാംബഴക്കാലം അല്ലല്ലോ.
കുറ്റവാളി- സാരമില്ല. ഞാന്‍ കാത്തിരുന്നോളാം.

ഫലിതം

മകന്‍-അച്ഛാ, പരീക്ഷാഫലം വന്നാല്‍ എനിക്കെന്ത് മേടിച്ച് തരും?
അച്ഛന്‍-പരീക്ഷയില്‍ ജയിച്ചാല്‍ ഞാന്‍ നിനക്ക് ബൈക്ക് മേടിച്ച് തരാം. തോറ്റാല്‍ ഓട്ടോറിക്ഷയും.

താരയുദ്ധം-ഒരു ആധുനിക കവിത

താരയുദ്ധം- ഒരു ആധുനിക കവിത

സംവിധായകര്‍ താരങ്ങളെ സൃഷ്ടിച്ചു,
താരങ്ങള്‍ ആരാധകരെ സൃഷ്ടിച്ചു,
സംവിധായകരും താരങ്ങളും ആരാധകരും കൂടി,
വഴക്ക് പങ്കിടുന്നു, ലഹള പങ്കിടുന്നു.

മമ്മുട്ടിയായി മോഹന്‍ലാലായി ദിലീപായി,
നമ്മെ കണ്ടാലറിയാതായി,
കേരളം ഭ്രാന്താലയമായി.
ലക്ഷം ലക്ഷം ആരാധകഹൃദയങ്ങള്‍
സ്ഫോടകവസ്തുക്കളായി.
ആരാധകര്‍ തെരുവില്‍ മരിക്കുന്നു,
താരങ്ങള്‍ ചിരിക്കുന്നു.

നന്മയെവിടെ, സഹോദര്യമെവിടെ,
അഭിപ്രായസ്വാതന്ത്ര്യമെവിടെ, നമ്മുടെ രക്തബന്ധങ്ങളെവിടെ,
ക്യാംബസ് രാഷ്ട്രീയമെവിടെ,
അഞ്ചുവര്‍ഷത്തിലൊരിക്കല്‍ ചെയ്യറുള്ള
കള്ളവോട്ടുകളെവിടെ
നല്ല ചിത്രങ്ങള്‍ പരാജയപ്പെടുന്നു,
പ്രേക്ഷകര്‍ ചിരിക്കുന്നു.